Patricia Boothe is a native Jamaican, but emigrated to New York with her family at the age of 14. She was or is mainly the product of an American education and holds a B.A. in English Literature/Minor in Communications/Certificate/license to teach High School English.
Ms. Boothe, however, opted to pursue a career in publishing/editing. She is an Editor at EVERYBODY'S Magazine one of the oldest Caribbean American publications in New York (has been editing there for 18 years), former editor
of Caribbean Pulse Magazine, and Editor of African Future Magazine. Ms. Boothe also freelances for various other publications and is CEO of PBOO WORKS, an Editorial/Public Relations concern.
AH WHA' YU SEH? 'XCUSE ME!?
Patricia Boothe -© copyright 1982
ME NAH BEG NUH PAADEN
FEH WHA ME NEH DUH --
YUH A TELL LIE PON ME
AN' YUH KNOW IT WELL.
SO, ME NAH BEG NO PAADEN
FEH WHA ME NEH DUH
'CAUSE A FEH YUH FAULT
AN' YUH KNOW DAT TUH.
ME JUS' A TAN UP YAH
AN YUH BRUSH 'GAINST ME,
DEN YUH WAAN TELL EVERYBODY
DAT A ME DID WRONG.
ME JUS' A TAN UP YAH
AN YUH BREEZIN' PASS,
WATCH YAH GAL!
NO MEK ME TELL YUH 'BOUT YUH RASS.
AH GWAN TELL YUH MUMMA
DAT YUH TELL LIE PON ME,
AH GWAN TELL HAR --
AN' SHE WI KNOW WHA FEH DUH.
SHE MAY FIN' SWITCH AN POP YUH RASS
AN DEN YUH WI FIN' OUT
AH WHO YUH PASS.
LIZA DID TELL MEH
HOW YU LIE AN STAY,
BUT ME NEH BELIEVE HAR
WEN SHE TELL MEH DAT.
LIZA DID TELL MEH
DAT YUH DWEET ALL DEH TIME
BUT ME NEH BELIEVE
DAT A SO YUH PRIME.
WELL -- MEK ME TELL YUH SINTING:
ME NUH TEK LAAS LICK . . .
ME NAH WAIT FEH YUH MADDA
FEH TEK CARE A YUH!
ME NAH BEG NO PAADEN
FEH WHA ME NEH DUH!
ME JUS' A GO TAN RIGHT YAH
AN WAIT FEH ME CUE.
AH WILL NEVA BEG PAADEN
FEH WHA AH NEH DUH!
'XCUSE ME?!!
NEWS FLASH! NEWS FLASH! SEH WHA?!
Patricia Boothe -© copyright 1985
DEM SEH, MONDAY, SEPTEMBER 9, 1985 WAS:
" . . . A RELATIVELY QUIET DAY BY HANDSWORTH STANDARDS."
YET, ON DAT SAAM DAY --
BOBBIES STAPT, ANCUFT, AND TREATEN FI SHUB
7 MOTARIS AANDA A BUS!
A SUBSEQUENT RIOT DAT MONDAY NIGHT --
WEN BUILDINS WERE LOOTID AN SET PON FIRE --
HAD "ERUPTED OUT OF THE BLUE
. . . NOT AGAINST SOCIETY," DEM SEH --
BUT, 'CAUSE A "ABSOLUTE THUGGERY GONE MAD ON DRUGS."
DEN, PON WEDNESDAY, HOME SECRETARY HURD, --
AFTA BEEN ATTACKED WID STONES, BRICKS AND BOCKLES;
CARS OVATUNNED, BOBBIES ATTACKED, BUILDINS SET AFIRE . . . ;
2 PEOPLE DED . . . 2 FEARED DED . . . 15 BOBBIES INJUD --
SED, DERE WAS A DAANJAH OF "COPYCAT RIOTING" OUTSIDEA BIRMINGHAM.
(HANDSWORTH . . . HOME TO SOME 57,000 --
18,000 ASIANS . . . 12,000 WEST INDIANS, AND 27,000 OTHERS --
OF 16,000 HOMES --15,000 LATRINE- AND BATH- LESS!)
AN, ONGLE LAAS WEEK COMMUNITY LEADAHS AND BOBBIES DIDA PAT EACH ODAH PON DE
BACK . . .
BOUT DE "GOOD RELATIONS" EENA HANDSWORTH!
. . . AN DE PRIME MINISTAH'S AID STILL A SEH:
"THERE WOULD BE NO CHANGE IN BASIC POLICY."
*******************
REMEMBA DE BRIXTON REVOLTS OF 1981 . . .
WEN RIATS FLARED EENA 20 TOWNS AND CITIES?
NOW DIS NEWS FLASH! NEWS FLASH!
IS WHA DAT?!!!!
You can
Pat or
Visit A BORN JAMAICAN Pat's great Homepage
